एमसीसी पास गर्दा गरिएको १२ बुँदे व्याख्यात्मक घोषणा सम्झौताको अंश नभए सडकमा जान्छौँ : प्रचण्ड

काठमाडौँ । प्रधानमन्त्री पुष्पकमल दाहाल प्रचण्डले अमेरिकी सहायता परियोजना (एमसीसी) सदनबाट पास गर्दा गरिएको १२ बुँदे घोषणालाई सम्झौताको मूल अंश नबनाइए आफूहरु समाजवादी मोर्चामा सल्लाह गरेर सडकमा उत्रिने बताएका छन् । समाजवादी मोर्चाले बुटवलमा मंगलबार गरेको कार्यक्रमलाई सम्बोधनका क्रममा उनले यस्ताे बताएका हुन् ।

उनले भने ‘एमसीसीबारे अझै पनि धेरै चासो छ। केही साथीहरुको विरोधमा पनि स्वर सुनिएको छ।

साथै प्रधानमन्त्री प्रचण्डले अमेरिकी अधिकारीसँग आफूले १२ बुँदे घोषणा कार्यान्वयनबारे सोध्ने पनि बताए । उनले भने, ‘एमसीसी कार्यान्वयबारे छलफलका लागि एकजना अधिकारी नेपाल आउँदैछन् । हाम्रो घोषणालाई सम्झौताको पाठ बनाउने हो कि होइन भनेर म उनलाई पनि सोध्छु ।’

उनले अहिले देशमा केही हुँदैन भनेर निराशा बनाउन खोजिएको पनि बताए । आफू संयुक्त राष्ट्रसंघीय महासभामा भाग लिएर चीन जाने बताए ।