काठमाडौं । प्रधानमन्त्री पुष्पकमल दाहाल प्रचण्डले चीन भ्रमणकामा यसअघि भएको सहमति कार्यान्वयनमा जोड दिने बताएका छन् । संसदमा मंगलबार भएको प्रश्नोत्तरमा उनले आसन्न चीन भ्रमणका क्रममा यसअघि भएको सहमति–समझदारी कार्यान्वयनमा जोड दिने बताएका हुन् ।
संसदमा नेपाली कांग्रेसका सांसद उदयशम्शेर राणाले चीन भ्रमणको एजेण्डाबारे प्रश्न गरेका थिए । जवाफमा प्रधानमन्त्री प्रचण्डले यसअघि भएका सहमति र सम्झौता कार्यान्वयनमा जोड दिने बताए ।
नेपालको आर्थिक र व्यापार सम्बधलाई थप सघन बनाउने उनले बताए ।
प्रधानमन्त्री प्रचण्डले नाकालाई सघन बनाउनुका साथै सहयोग विस्तारबारे पनि चिनियाँ पक्षसँग सम्वाद गर्ने बताए ।
