काठमाडौं । भोलि र पर्सी लगातार दुई दिन सरकारले सार्वजनिक बिदा दिएको छ । भोली माघ १६ गते सहिद दिवस र पसी माघ १७ गते सोनाम ल्होसार परेकाले सरकारले सार्वजनिक बिदा दिएको हो ।
सार्वजनिक बिदाको समयमा बैंक तथा वित्तीय संस्थाहरू लगायतका अधिकांश क्षेत्रका कार्यालय बन्द रहन्छन् । तर, कामना सेवा विकास बैंकले भने आफ्ना केही शाखाहरूबाट सेवा प्रदान गर्ने जनाएको छ ।
बैंकले भोली र पर्सी बैङ्कले बिदाको समयमा सात ओटै प्रदेशमा केही शाखा खुल्ला राख्ने जनाएको हो ।
बैंकले भोली सहिद दिवसमा पनि कोसी प्रदेशको इटहरी शाखा, मधेश प्रदेशको हरिबन शाखा, काठमाडौं उपत्यकाको गंगबु शाखा, नारायणघाटको नारायणघाट शाखा, बुटवलको मैना बगर शाखा, पोखराको न्यु रोड शाखा, र सुदूरपश्चिमको महेन्द्रनगर शाखा खुल्ला राख्ने जनाएको छ ।
यस्तै पर्सी सा्ेनाम ल्होसारको दिन भने कोसी प्रदेशको बिर्तामोड शाखा, मधेस प्रदेशको राजविराज शाखा, काठमाडौं उपत्यकाको भिमसेनगोला शाखा, नारायणघाटको कावासोती शाखा, बुटवलको खटीहवा शाखा, पोखराको सृजना चोक शाखा, र पश्चिमको घोराही शाखा खुल्ला राख्ने बैङ्कले जनाएको छ ।
