काठमाडौँ । कालिका पावर कम्पनी लिमिटेडले शेयर धनीलाई लाभांश घोषणा गरेको छ।
पुष ७ गते बसेको कम्पनी सञ्चालक समिति बैठकले ७ प्रतिशत बोनस शेयर र कर प्रयोजनका लागि ०.३६ प्रतिशत नगद गरी कुल ७.३६ प्रतिशत लाभांश दिने निर्णय गरेको हो ।
कम्पनीले उक्त प्रस्तावसहित पुष २९ गते साधारण सभा बोलाएको छ। सभा दियालो फुडल्याण्ड चितवन, भरतपुर–१०, चितवनमा बिहान ११ बजे सुरु हुनेछ ।
सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुने भएको छ । त्यस्तै, आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
सभा प्रयोजनका लागि कम्पनीले पुष १९ गते बुक क्लोज गर्ने भएको छ । तसर्थ, पुष १८ गतेसम्म कायम शेयर धनीले मात्र लाभांश प्राप्त गर्न योग्य हुनेछन् ।
