काठमाडौँ । अर्थमन्त्री डा. प्रकाशशरण महतले पोखरा पर्यटनको ट्रान्जिट बन्नुपर्ने बताएका छन् । पोखरा पर्यटन परिषद्को २३ औं वार्षिक साधारणसभालाई सम्बोधन गर्दै उनले यस्ताे बताएका हुन् ।
मन्त्री डा.
त्यस्तै अन्तर्राष्ट्रिय हवाइ अड्डामा सरकारले धेरै ठूलो लगानी गरेको उनले जानकारी दिए । उनले भने, ‘पर्यटन प्रवर्द्धनका लागि देश लगानी गरेको हो, अहिले लगानी उठाउन सकिएको छैन ।’
पर्यटन क्षेत्रलाई अझै धेरै सुधार गर्नुपर्ने उनले बताए । ‘हामी धेरैजसो माग र निर्णय भावनामा बगेर गर्छौं । भावनामा बगेर गरेको लगानीबाट प्रतिफल कसरी लिन सकिन्छ भन्ने चुनौती सरकारसँग छ’, उनले भने ।
उनले नेपालको अर्थतन्त्रमा प्रभाव पार्ने अनेक कारण रहेको बताए । उनले भने, ‘युद्ध, भूकम्प, कोभिड र रसिया–युक्रेन युद्धले ल्याएको अन्तर्राष्ट्रिय मन्दीबाट हामी गुज्रिएकाले राजश्वमा ठूलो प्रभाव पर्यो, अर्थतन्त्रमा शिथिलता देखिएको छ ।’
मन्त्री महतले भूकम्प र कोभिडबाटै सुरु भएको अर्थतन्त्रको शिथिलता पछिल्लो समय विशिष्ठ किसिमले देखिएकाे बताए ।
