काठमाण्डौं। एकै दिन बैंकिङ प्रणालीको निक्षेप संकलन ५ अर्ब रुपैयाँले बढेको छ । नेपाल राष्ट्र बैंकले बैंकको आँकडा अनुसार असार २७ गतेसम्म बैंकिङ प्रणालीमा ६४ खर्ब ६२ अर्ब रहेको देखिएको छ ।
यसरी एक दिनको अवधिमा बैंकिङ प्रणालीमा ५ अर्ब रुपैयाँ थपिएको हो। वाणिज्य बैंकहरुको निक्षेप संकलन पनि ३ अर्बले बढ्दै ५७ खर्ब ३२ अर्ब रुपैयाँ पुगेको छ।
गत असार २६ गतेसम्म वाणिज्य बैंकहरुको निक्षेप संकलन ५७ खर्ब २९ अर्ब रुपैयाँ थियो । अन्य वित्तीय संस्थाको निक्षेप संकलन पनि १ अर्ब रुपैयाँले बढेको छ । अन्य वित्तीय संस्थाको निक्षेप संकलन ७ खर्ब २९ अर्ब रहेको छ ।
निक्षेप संकलन बढेता पनि बैंकिङ प्रणालीको कर्जा प्रवाह भो स्थिर रहेको छ । गत असार २६ गतेसम्म ५१ खर्ब ५० अर्ब रुपैयाँ कर्जा प्रवाह भएकोमा असार २७ गतेसम्म पनि ५१ खर्ब ५० अर्ब रुपैयाँ बराबरकै कर्जा प्रवाह भएको छ ।
यो अवधिमा वाणिज्य बैंकहरुको कर्जा प्रवाह पनि स्थिर अर्थात् ४५ खर्ब ५५ अर्ब रहेको छ । असार २६ गतेसम्म ७७.७५ प्रतिशत रहेको सीडी रेसियो घटेर ७७.६९ प्रतिशतमा सीमित बनेको छ।
