काठमाडौँ । भदौ १ गतेदेखि लागू हुने गरी वाणिज्य बैंकहरुले मुद्दती निक्षेपको ब्याजदर घटाएका छन् ।
आज प्रकाशसित गरेको बैंकहरुको विवरण अनुसार औसतमा व्यक्तिगत तर्फ मुद्दती निक्षेपको ब्याजदर ६.५३ प्रतिशत कायम भएको छ ।
साउनमा औसत ब्याजदर ६.७४ प्रतिशत छ ।
औसतको ब्याजदर भदौ महिनाको लागि ०.२१ विन्दुले घटेको हो । भदौ महिनाको लागि १३ बैंकको ब्याजदर घटेको छ भने ६ बैंकहरुले साउनकै ब्याजदरलाई निरन्तरता दिने भएका छन् । भने १ बैंकले ब्याजदर बढाएको छ । प्राइम बैंकको ब्याजदर साउनको तुलनामा बढेको हो ।
यता, ग्लोबल आइएमई, लक्ष्मी सनराइज, कुमारी,माछापुच्छ्रे, स्टान्डर्ड चार्टर्ड र नबिल बैंकले साउनकै ब्याजदरलाई भदौमा पनि निरन्तरता दिएका छन् । भदौ महिनामा एनएमबि बैंक र एनआईसी एशिया बैंकले सबैभन्दा बढी ब्याज दिने छन्।
व्यक्तिगत मुद्दती निक्षेपमा ती कम्पनीहरूले अधिकतममा ७.४१ प्रतिशत ब्याज दिने छन्। सबैभन्दा कम ब्याज दिने बैंकमा नेपाल बैंक छ। यस्तो निक्षेपमा उक्त कम्पनीको अधिकतम ब्याजदर ५.२५ प्रतिशत छ।
