काठमाडौँ । ग्लोबल आइएमई बैंक लिमिटेडले लाभांश प्रस्ताव पारितका लागि आगामी महिना मंसिर २७ गते वार्षिक साधारण सभा बोलाएको छ।
सभा नेपाल प्रज्ञा-पतिष्ठान, कमलादी, काठमाडौँमा बिहान १० बजे सुरु हुनेछ । सभामा बैंकले ५.५० प्रतिशत बोनस सेयर वितरण गर्ने प्रस्ताव पेश गर्ने भएको छ ।
त्यस्तै, गत आर्थिक वर्षको वार्षिक प्रतिवेदन,नाफा–नोक्सान हिसाब, नगद प्रवाहलगायत विवरणमा छलफल गरी पारित गर्नेछ।
सभा प्रयोजनका लागि यस बैंकले मंसिर ९ गते बुक क्लोज गर्ने जानकारी गराएको छ। मंसिर ८ गते शनिवार र मंसिर ७ गते शुक्रवार परेको हुँदा मंसिर ६ गतेसम्म कायम रहने शेयर धनी मात्र लाभांश पाउन योग्य हुनेछन् ।
