काठमाडौंः साताको पहिलो कारोबारका दिन आज सुन–चाँदी दुवैको भाउ बढेको छ ।
नेपाल सुन–चाँदी व्यवसायी महासंघका अनुसार आइतबार छापावाल सुनको भाउ प्रतितोला ५०० रुपैयाँले बढेर १ लाख १७ हजार ६०० रुपैयाँमा कारोबार भएको छ । यसैगरी, तेजावी सुनको भाउ तोलाको १ लाख १७ हजार ५० रुपैयाँ रहेको छ ।
शुक्रबार छापावाल सुनको भाउ १ लाख १७ हजार १०० र तेजावी सुनको भाउ १ लाख १७ हजार ५० रुपैयाँ कायम रहेको थियो । यता, आज चाँदीको भाउ पनि प्रतितोला २० रुपैयाँले बढेर १४ सय ३० रुपैयाँ पुगेको छ ।
शुक्रबार चाँदीको भाउ प्रतितोला १४ सय १० रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस २ हजार डलरमा कारोबार भइरहेको छ ।
