काठमाडौँ । सार्वजनिक ऋण व्यवस्थापन कार्यालयले १० अर्ब रुपैयाँ बराबरको विकास ऋणपत्र बिक्री गर्ने जनाएको छ ।
कार्यालयले ५ वर्षे अवधिको विकास ऋणपत्र–२०८६ बोलकबोलमार्फत बिक्री गर्ने भएको हो । उक्त बोलपत्र यहीँ भदौ ६ गते निष्कासन गरिने कार्यालयले जानकारी दिएको छ ।
ऋणपत्रको बोलकबोलमा बैंक तथा वित्तीय संस्था, गैरबैंक वित्तीय संस्था, बीमा कम्पनी लगायत नेपाली नागरिकले भाग लिन पाउने कार्यालयले एक सूचना मार्फत जानकारी दिएको छ ।
