काठमाडौँ। गत आर्थिक वर्ष २०८०/८१ को मुनाफाबाट भगवती हाइड्रोपावर लिमिटेडले लाभांश घोषणा गरेको छ।
कम्पनीको भदौ २२ गते बसेको सञ्चालक समितिको बैठकले आर्थिक वर्ष २०८०/८१ को मुनाफाबाट हालको चुक्ता पुँजीको १४.७३ प्रतिशत लाभांश वितरणको प्रस्ताव गरेको छ ।
कम्पनीले ४ प्रतिशत बोनश सेयर र १०.७३ प्रतिशत नगद लाभांश (कर समेत) वितरणको प्रस्ताव गरेको छ।
कम्पनीको आगामी साधारण सभाले पारित गरेपछि उक्त लाभांश लगानीकर्तामा वितरण हुनेछ।
असोज १६ गते साधारण सभा आह्वान गरेको कम्पनीले साधारण सभा प्रयोजनको लागि असोज २ गते बुक क्लोज गर्ने निर्णय गरेको छ।
