काठमाडौं। नेपाल उद्योग वाणिज्य महासंघ (एफएनसीसीआई) को आगामी ६०औँ वार्षिक साधारणसभा तथा निर्वाचनलाई लक्षित गर्दै भावी अध्यक्ष अञ्जन श्रेष्ठ नेतृत्वको समूहबाट वस्तुगततर्फ शिवप्रसाद घिमिरेले आफ्नो प्यानलसहित उम्मेदवारी घोषणा गरेका छन्।
काठमाडौंमा आयोजित विशेष कार्यक्रममा घिमिरे समूहले ‘हामी नै किन?’ भन्ने मूल प्रश्नको जवाफ प्रस्तुत गर्दै आफ्नो प्रतिबद्धता पत्र तथा कार्ययोजना सार्वजनिक गरेको हो। निर्वाचनको माहोल तातेसँगै घिमिरेले महासंघलाई ‘निर्णायक मोड’ मा पुगेको संस्था भन्दै निजी क्षेत्रको खस्किँदो मनोबल उकास्न आफूहरू अग्रसर भएको बताएका छन्।
प्रतिबद्धता पत्र सार्वजनिक गर्दै उनले अबको नेतृत्व ‘कुरा भन्दा काम’ मा केन्द्रित हुनुपर्नेमा जोड दिए।
घिमिरे समूहले महासंघलाई सीमित व्यक्तिको पहुँचमा रहने संरचनाबाट रूपान्तरण गरी ‘सदस्य–केन्द्रित साझा शक्ति केन्द्र’ बनाउने लक्ष्य अघि सारेको छ। विधानअनुसारका परिषद्, समिति र फोरमहरूलाई सक्रिय बनाउँदै सदस्य संघ–संस्थाको आधारमा नीति निर्माण र बजेट तर्जुमा गर्ने प्रणाली विकास गर्ने योजना प्रस्तुत गरिएको छ।
उनले प्रस्तुत गरेको मार्गचित्रमा ‘जेन–जी’ युवाहरू, स्टार्टअप तथा साना–मझौला उद्योग (एसएमई) लाई विशेष प्राथमिकता दिइएको छ। साथै कृषि–उद्योग एकीकरण, निर्यात प्रवर्द्धन, पर्यटन तथा नवीकरणीय ऊर्जा क्षेत्रमार्फत रोजगारी सिर्जना गर्ने स्पष्ट कार्ययोजना रहेको उनले दाबी गरे।
निजी क्षेत्रको सम्मान र सुरक्षामा आँच आउँदा महासंघ मौन बस्न नहुने उल्लेख गर्दै उनले सरकार र नियामक निकायसँग बराबरीको हैसियतमा संवाद र आवश्यक परे संघर्ष गर्न सक्ने नेतृत्वको खाँचो औंल्याए। चुनावी घोषणापत्रलाई व्यवहारमा कार्यान्वयन गर्दै वार्षिक मूल्यांकन र सार्वजनिक प्रतिवेदनमार्फत पारदर्शिता कायम गर्ने प्रतिबद्धता समेत व्यक्त गरे।
अञ्जन श्रेष्ठ नेतृत्वको प्यानलमा वस्तुगततर्फ शिवप्रसाद घिमिरे, एसोसिएटतर्फ प्रवलजंग पाण्डे तथा जिल्ला/नगरतर्फ दिलसुन्दर श्रेष्ठ र कृष्णप्रसाद शर्मा उपाध्यक्षका उम्मेदवार रहेका छन्।
शिवप्रसाद घिमिरे समूहका उम्मेदवारहरू:
कार्यकारिणी सदस्य (वस्तुगत संघतर्फ):
