काठमाडौं । केन्द्रीय बैंकले पुँजीकोषको व्यवस्था कायम गर्न नसक्ने दुई लघुवित्तको लाभांश वितरणमा रोक लगाएको छ ।
सिर्जनशील लघुवित्त र सुपर लघुवित्तलाई पुँजीकोषको व्यवस्था कायम गर्न नसकेको भन्दै लाभांश वितरणमा रोक लगाउने भएको छ। नियामकीय प्रावधान अनुसार लघुवित्त वित्तीय संस्थाले ४ प्रतिशत प्राथमिक पुँजी र ४ प्रतिशत पूरक गरी ८ प्रतिशत पुँजीकोष कायम गर्नुपर्ने हुन्छ।
तर यी दुई लघुवित्तको चालू आवको दोस्रो त्रैमासमा पुँजीकोष ८ प्रतिशत कम छ।
जसले गर्दा यी लघुवित्तको लाभांश वितरणमा केन्द्रीय बैंकले रोक लगाउने छ।
पुस मसान्तमा सिर्जनशील लघुवित्तको पुँजीकोष ४.४६ प्रतिशत छ भने सुपर लघुवित्त पुँजीकोष ऋणात्मक छ। सुपर लघुवित्तलाई भने यसअघि नै कन्द्रीय बैंकले समस्याग्रस्त घोषणा गरी व्यवस्थापन गरिरहेको छ।
