काठमाडौं । गुडविल फाइनान्सको स्थगित बनेको साधारण सभा आगामी महिना माघ १५ गते तय भएको छ ।
कम्पनीले पुस २९ गते बोलाएको साधारण सभा विशेष कारणबस स्थगित भएको जनाएको थियो। सभा गुडविल कम्प्लेक्स हात्तिसार, काठमाडौंमा बिहान ११ बजे सुरु हुने फाइनान्सले एक सूचना मार्फत जनाएको छ ।
कम्पनीले यसअघि नै गत आर्थिक वर्ष २०७९–८० को नाफाबाट कुनै पनि लाभांश वितरण नगर्ने जनाइसकेको छ ।फाइनान्सले पुस १८ गते बुक क्लोज गरिसकेको छ ।
तसर्थ, पुस १७ गतेसम्म कायम रहेका सेयरधनीले सभामा भाग लिन सक्नेछन् ।
