वासिङ्टन डीसी । अमेरिकी राष्ट्रपति डोनाल्ड ट्रम्पले इरानमाथि परमाणु तथा सुरक्षा सम्झौतासम्बन्धी वार्तामा ढिलाइ गरेको आरोप लगाउँदै त्यसको परिणाम भोग्नुपर्ने चेतावनी दिएका छन् ।
सामाजिक सञ्जाल ‘टुथ सोसल’ मार्फत प्रतिक्रिया जनाउँदै ट्रम्पले इरानको सैन्य शक्ति कमजोर भइसकेको दाबी गरेका छन् । उनका अनुसार इरानको सेना, नौसेना र वायुसेना सबै पक्षमा कमजोर अवस्थामा पुगेका छन् ।
ट्रम्पले इरानलाई पश्चिम एसियामा प्रभाव जमाउने शक्ति भन्दै त्यसको प्रभाव समाप्त हुँदै गएको टिप्पणी पनि गरेका छन् ।
उनले वार्तामा लामो समय लगाएर सम्भावित लाभदायक सम्झौता रोकिएको भन्दै अब त्यसको मूल्य चुकाउनुपर्ने बताएका छन् ।
