काठमाडौँ । केही समयका लागि बन्द भएको त्रिभुवन अन्तर्राष्ट्रिय विमानस्थल सञ्चालनमा आएको छ। जहाज दुर्घटनामा उद्धारको काम सकिएपछि विमानस्थल नियमित सञ्चालनमा आएको हो ।
बुधवार बिहान ११ बजे सौर्य एयरको जहाज दुर्घटना भएपछि विमानस्थल बन्द गरिएको थियो । सो जहाजमा सवार १८ जनाको निधन भएको छ भने जहाजका चालक मनिषरत्न शाक्यलाई भने जीवित उद्धार गरिएको छ ।
हाल उनको अहिले केएमसी अस्पताल सिनामंगलमा उपचार भइरहेको छ । जहाज त्रिभुवन विमानस्थलबाट पोखरा उड्ने क्रममा दुर्घटनामा परेको थियो ।
प्राविधिक परीक्षणका लागि पोखरा विमानस्थलतर्फ जाने क्रममा यो जहाज दुर्घटनामा परेको हो । परीक्षण उडानमा रहेकाले यो जहाजमा टिकट काटेका सर्वसाधारण यात्रु थिएनन् ।
