काठमाडौँ । बुधवार राति चलेको हावाहुरीको कारण बिजुलीका पोल ढल्दा वीरगन्ज र आसपास क्षेत्रमा नौ घण्टादेखि विद्युत् आपूर्ति बन्द भएको छ।
तन्तलापुर गर्मीको समयमा बिजुली नहुँदा वीरगन्ज र आसपासको जनजीवन प्रभावित बनेको छ । बुधवार एक बजेतिरको हुरीले ढालेका पोल उठाउन तीव्र रूपमा काम भइरहेको नेपाल विद्युत् प्राधिकरण वीरगन्ज वितरण केन्द्रले जनाएको छ ।
साथै प्राधिकरणले आज अपराह्नसम्ममा बिजुली आपूर्ति हुने जानकारी गराएको छ।
वीरगन्ज र आसपासका क्षेत्रमा ५६ हजार बिजुलीका ग्राहक छन् ।
