काठमाडौं । जाजरकोट भूकम्प पीडितहरुलाई हिमालयन रिइन्स्योरेन्स कम्पनीले राहत वितरण गरेको छ । कम्पनीले ३५ लाख बराबरको राहत वितरण गरेको हो ।
जाजरकोटको रामीडाँडा केन्द्रविन्दु बनाएर कात्तिक १७ गते राति ११ः४७ बजे गएको भूकम्पले ठूलो क्षती पुर्याएको छ । संकटको यस घडीमा सहयोग गर्न कम्पनीले रु.
३५ लाख बराबरको १ हजार ८७८ त्रिपाल, दुई हजार कम्बलसहित अत्यावश्यक राहत सामग्री उपलब्ध गराएको जनाएको छ ।
साथै, १ हजार ८७८ थान त्रिपाल रुकुम पश्चिमको जिल्ला प्रशासन कार्यालय, मुसिकोटमा पुगिसकेको र केही कम्बलहरू पश्चिम रुकुमको जिल्ला प्रशासन कार्यालय पुग्ने क्रममा रहेको कम्पनीले जनाएको छ ।
संकटको यस क्षणमा सम्पूर्ण पक्षले सहकार्य गरी प्रभावकारी कदम चाल्न सकेमा भूकम्प प्रभावित क्षेत्र पश्चिम नेपाललाई पुनर्निर्माणमा महत्वपूर्ण सहयोग पुग्ने विश्वास कम्पनीले लिएको छ ।
