काठमाडाैं । नेपाल लघुवित्त बैंकर्स संघको कार्यबाहक अध्यक्षमा रामबहादुर यादव नियुक्त भएका छन् । नेशनल माइक्रोफाइनान्स लघुवित्तका प्रमुख कार्यकारी अधिकृत रहेका रामबहादुर यादवले कार्यबाहक जिम्मेबारी पाएका हुन् ।
अघिल्लो वार्षिक साधारण सभाबाट लक्षी लघुवित्त वित्तीय संस्था लि. का सिईओ प्रकाश राज शर्मा अध्यक्षमा र्निविरोध निर्वाचित भएका थिए तर लक्ष्मी लघुवित्तमा उनको कार्यकाल सकिएसंगै नेपाल लघुवित्त बैंकर्स संघको अध्यक्षबाट बाहिरिएका थिए ।
संघको कार्यबाहक अध्यक्ष उपाध्यक्ष तथा धौलागिरी लघुवित्त सिईओ मीनबहादुर बोहरा कार्यबाहक अध्यक्षमा रहेका थिए भने केही समय अघि धौलागिरी लघुवित्त र सिवाईसि नेपाल लघुवित्त संग मर्जरमा गए पछि मीनबहादुर बोहरा बाहिरिएपछि पुन खाली रहेको अध्यक्ष पदमा महासचिव तथा नेशनल माइक्रोफाइनान्स लघुवित्तका प्रमुख कार्यकारी अधिकृत रहेका यादवले कार्यबाहक जिम्मेवारी पाएका हुन् ।
