काठमाडौं । सहकारी क्षेत्रमा राम्रो कार्य सम्पादन गर्दै आएकाहरु आत्तिन र डराउनु नपर्ने अर्थमन्त्री वर्षमान पुनले बताएका छन्।
आगामी आवको प्रस्तुत बजेटबारे जानकारी दिन अर्थ मन्त्रालयमा आयोजित पत्रकार सम्मेलनमा मन्त्री पुनले सहकारी सन्दर्भमा यस्तो उल्लेख गरेका हुन ।
'सहकारी क्षेत्रमा राम्रो काम गरेका कोही कसैले आत्तिनु र डराउनु पर्दैन। गल्ती गर्नेहरूले देशको कानुन बमोजीम सजाय पाउने हुन्,' अर्थमन्त्री पुनले भने
सरकारले मंगलबार मात्रै २९ सहकारीलाई संकट ग्रस्त घोषणा गरेको छ।
यससँगै सहकारीको छानबिनका लागि सरकारले सात सदस्यीय ‘सहकारी संस्था बचत रकम दुरुपयोग सम्बन्धमा संसदीय छानबिन विशेष समिति’ गठन गरेको छ ।
