काठमाडौं । आज (माघ १५ गते) देखि क्रेष्ट माइक्रो लाइफ इन्सुरेन्स लिमिटेडले वैदेशिक रोजगारीमा रहेका नेपालीलाई आइपीओ खुला गरेको छ।
कम्पनीले प्रतिकित्ता १०० रुपैयाँका दरमा २२ लाख ५० हजार कित्ता आइपीओ जारी गर्न नेपाल धितोपत्र बोर्डबाट अनुमति पाएको थियो।
जस अनुसार १० प्रतिशत अर्थात, २ लाख २५ हजार कित्ता सेयर वैदेशिक रोजगारीमा रहेका नेपालीलाई निष्कासन खुला गरेको हो। वैदेशिक रोजगारीमा रहेका नेपालीले यसमा माघ २९ गतेसम्म आवेदन दिन सक्नेछन्।
न्यूनतम १० कित्तादेखि अधिकतम १० हजार कित्ताका लागि आवेदन दिन सकिने संस्थाले जनाएको छ।
