काठमाडौं । प्रतिनिधिसभाको बैठक अन्ततः भोलिसम्मका लागि स्थगित गरिएको छ । १५ मिनेटका लागि स्थगित भएको बैठक सूचना टाँसेर आजका लागि स्थगित भएको संसद सचिवालयले जनाएको छ।
अब अर्को बैठक बुधबार बिहान ११ बजे बस्ने छ सूचनामा उल्लेख छ । यस अघि आज शुरु भएको बैठक प्रमुख प्रतिपक्षी दल नेपाली कांग्रेसले अवरोध गरेपछि सभामुख देवराज घिमिरेले १५ मिनेटका लागि स्थगित गरेका थिए ।
बैठक शुरु हुनासाथ कांग्रेसले सहकारी ठगि प्रकरणमा संलग्न देखिएका रवि लामिछानेमाथि कारवाही नभएको भन्दै संसदीय छानबिन समिति गठन गर्ने माग दोहोराउदै संसद अगाडी बढाउन नदिने बताएको थियो।
