काठमाडौँ । अब चालक अनुमति पत्रको भुक्तानी अनलाइनबाटै गर्न सकिने भएको छ । सरकारले सवारी चालक अनुमति पत्रको अनलाइन राजस्व भुक्तानीसहितको विद्युतीय सेवा प्रवाहको शुभारम्भ गरेको हो ।
आज (बुधबार) सिंहदरबारमा एक कार्यक्रमकाबीच भौतिक पूर्वाधार तथा यातायातमन्त्री प्रकाश ज्वालाले विद्युतीय सेवा प्रवाहको औंपचारिक उद्घाटन गरेका हुन् ।
सरकारले यातायात व्यवस्था विभागमा सेवाग्राहीले भिड लाग्नुपर्ने अवस्थाको अन्त्य गर्न सो सेवा शुभारम्भ गरेको हो ।
उद्घाटन कार्यक्रममा बोल्दै उनले सो सेवालाई एक महिना भित्रै देशव्यापी रूपमा लागूगर्ने बताए ।
उनले कास्की यातायात व्यवस्था कार्यालयबाट आजै सुरु गरिएको सो सेवा एक महिनाभित्र देशव्यापी रूपमा लागू गर्ने बताए ।
