काठमाडौं । पछिल्लो समय बढ्दो अमेरिकी डलरको भाउले आज पनि नयाँ रेकर्ड कायम गरेको छ। नेपाल राष्ट्र बैंकका अनुसार आज माघ २४ गते शुक्रबार १ अमेरिकी डलरको भाउ (बिक्रीदर) १४० रुपैयाँ ४३ पैसा कायम भएको छ ।
यस्तै, खरिददर १३९ रुपैयाँ ८३ पैसा छ । यो अहिलेसम्मकै उच्च भाउ हो ।
यसअघि बिहीबार १ अमेरिकी डलर बिक्रीदर १४० रुपैयाँ २५ पैसा र खरिददर १३९ रुपैयाँ ६५ पैसा पुगेर रेकर्ड बनाएको थियो।
राष्ट्र बैंकका अनुसार आज १ युरोको बिक्रीदर १४५ रुपैयाँ ५८ पैसा रहेको छ भने खरिददर १४४ रुपैयाँ ९६ पैसा रहेको छ। बेलायती पाउन्ड १ को बिक्रीदर १७४ रुपैयाँ ५३ पैसा र खरिद दर १७५ रुपैयाँ ७८ पैसा रहेको राष्ट्र बैंकले जनाएको छ।
त्यस्तै, अष्ट्रेलियन डलर १ को खरिददर आज ८७ रुपैयाँ ६४ पैसा र बिक्रीदर ८८ रुपैयाँ ०१ पैसा तोकिएको छ। क्यानेडियन डलर १ को खरिददर भने ९७ रुपैयाँ ४४ पैसा र बिक्रीमा ९७ रुपैयाँ ८६ पैसा रहेको राष्ट्र बैंकले जनाएको छ ।
