काठमाडौं । आज बिहिबार पनि सुनचाँदीको मूल्य घटेको छ । सुन आज तोलामा २ सय रुपैयाँले घटेकाे हाे ।
छापावाल सुन आज तोलामा २ सय रुपैयाँले घटेर प्रतितोला १ लाख १२ हजार २ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै, आज तेजावी सुन पनि तोलामा २ सयले घटेर प्रतितोला १ लाख ११ हजार ६ सय ५० रुपैयाँमा कारोबार भइरहेको छ ।
हिजाे छापावाल सुन प्रतितोला १ लाख १२ हजार ४ सय रुपैयाँमा र तेजावी सुन पनि प्रतितोला १ लाख ११ हजार ८ सय ५० रुपैयाँमा कारोबार भएकाे थियाे ।
आज चाँदी पनि तोलामा ३५ रुपैयाँले घटेकाे छ । चाँदी तोलामा ३५ रुपैयाँले घटेर प्रतितोला १ हजार ४ सय २५ रुपैयाँमा कारोबार भइरहेको महासंघले जनाएको छ ।
