काठमाडौं । प्रतिनिधि सभा इलाम क्षेत्र नं २ र बझाङ–१ मा हुने उपनिर्वाचनका लागि आज मध्यरातदेखि प्रचार गर्न नपाईने भएको छ ।
वैशाख १५ गते हुने निर्वाचनका लागि बुधबार राति १२ बजेदेखि मौन अवधि प्रारम्भ हुने निर्वाचन आयोगले जनाएको छ ।निर्वाचन आचारसंहिता अनुसार निर्वाचन हुने ४८ घण्टा अघिदेखि कसैले पनि उम्मेदवार वा राजनीतिक दलका बारेमा प्रचारप्रसार गर्न पाइँदैन ।
वैशाख १५ गते बिहान ७ बजेदेखि अपराह्न ५ बजेसम्म मतदान गर्ने समय तोकिएको छ ।
निर्वाचन आयोगले निर्वाचनको सबै तयारी पूरा गरेको जनाएको छ।
