काठमाडौँ। यस साताको अन्तिम कारोबारका दिन आज शुक्रवार सुनको मूल्यले नयाँ रेकर्ड कायम गरेको छ। अघिल्लो दिन उच्च बिन्दुमा स्थिर रहेको सुनको मूल्यले आज फेरि अर्को रेकर्ड कायम गरेको हो ।
आज, शुक्रवार सुनको मूल्य एकै पटक तोलामा दुई हजार ५०० रुपैयाँले बढेको हो। आज सुन तोलामा दुई लाख १० हजार ४०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
अघिल्लो कारोबारको दिन भने सुन तोलामा दुई लाख सात हजार ९०० रुपैयाँमा खरिदबिक्री भइरहेको थियो। यस्तै, बिहीबार तोलामा २ हजार ४८० रुपैयाँ कायम भएको चाँदीको मूल्य शुक्रवार २ हजार ४९० रुपैयाँ मूल्यमा कारोबार भएको महासंघले जनाएको छ ।
