काठमाडौँ । राष्ट्रिय परीक्षा बोर्डले कक्षा १२ को नतिजा आज सार्वजनिक गर्ने जनाएको छ । नतिजा प्रकाशनका लागि बोर्ड बैठक बसिरहेको छ ।
बोर्डका एक सदस्यका अनुसार प्राविधिक त्रुटि वा केही भइपरी समस्या नआएको खण्डमा आजै नतिजा प्रकाशन गर्ने सम्भावना रहेको जानकारी दिएका छन् ।
गत वैशाख १४ गतेबाट सञ्चालित कक्षा १२ को परीक्षामा ४ लाख ९१ हजार ४ सय ९७ विद्यार्थी सहभागी भएका छन् ।
कक्षा १२ को पनि लेटर ग्रेडिङ निर्देशिका २०७८ अनुसार नतिजा प्रकाशन हुने भएको छ ।
प्रत्येक विषयमा सैद्धान्तिकतर्फ कम्तीमा ३५ प्रतिशत अंक नल्याउने विद्यार्थी अनुत्तीर्ण हुनेछन् ।
