काठमाडौँ – मुख्यसचिव एकनारायण अर्यालले जनेजी आन्दोलनका क्रममा अहिलेसम्म ७२ जनाको निधन भएको जानकारी दिएका छन्।
सिंहदरबारमा आइतबार नवनियुक्त प्रधानमन्त्री सुशीला कार्कीको पदभार ग्रहण समारोहको क्रममा अर्यालले उक्त तथ्य सार्वजनिक गरेका हुन्। त्यसै क्रममा उनले १९१ जनाको उपचार भइरहेको जानकारी पनि दिएका छन्।
मुख्यसचिव अर्यालका अनुसार, “अहिलेसम्म प्रदर्शनकारीतर्फ ५९ जना, कैदीबन्दी १० जना र सुरक्षाकर्मीतर्फ ३ जना करिब ७२ जनाले सहादत प्राप्त गर्नुभएको छ।”
सरकारले मृतकका परिवारलाई प्रति व्यक्ति १० लाख रुपैयाँ क्षतिपूर्ति उपलब्ध गराउने र घाइतेको निशुल्क उपचार सुनिश्चित गर्ने तयारी अघि बढाएको छ।
