जेन(जी आन्दोलनमा मृत्यु भएका परिवारलाई प्रतिव्यक्ति १० लाख रुपैयाँ क्षतिपूर्ति
काठमाडौँ – जेन-जी आन्दोलनका क्रममा मृत्यु भएका व्यक्तिका परिवारलाई सरकारले प्रति व्यक्ति १० लाख रुपैयाँ क्षतिपूर्ति उपलब्ध गराउने निर्णय गरेको छ।
नवनियुक्त प्रधानमन्त्री सुशीला कार्कीले आइतबार पदभार ग्रहण गर्दै यस निर्णय गरेकी हुन्। मुख्यसचिव एकनारायण अर्यालका अनुसार प्रधानमन्त्री कार्कीले मृतकका परिवारलाई क्षतिपूर्ति उपलब्ध गराउने निर्णय गरेको जानकारी दिएका छन्।
त्यस्तै, आन्दोलनमा घाइते भएका व्यक्तिहरूको निशुल्क उपचार गरिने पनि निर्णय भएको छ। अर्यालका अनुसार उपचार प्रक्रियामा आवश्यक कदम चालिएकाले घाइतेहरूको उपचार जारी रहेको छ।
सरकारी निर्णयअनुसार, मृतकका परिवारलाई वित्तीय राहत प्रदान गर्नुका साथै घाइतेको स्वास्थ्य सुरक्षा सुनिश्चित गर्न प्राथमिकता दिइएको छ।
