काठमाडौँ। पछिल्लो केही कारोबारका दिन निरन्तर गिरावट आएको सुनको मूल्यले आज बुधवार पनि निरन्तरता पाएको छ । आज अघिल्लो दिनको तुलनामा सुनको मूल्य १६ सय रुपैयाँले घटेको हो ।
आज नेपाली बजारमा १६सय प्रतितोला घटेको सुनको कारोबार प्रतितोला १ लाख ९३ हजार ५ सय रुपैयाँमा भइरहेको नेपाल सुनचाँदी व्यवसायी महासंघले जनाएको छ।
अघिल्लो दिन पनि सुनको मूल्य १२ सय रुपैयाँले घटेको थियो ।
उक्त दिन सुनको कारोबार प्रतितोला १ लाख ९५ हजार १ सयमा भएको थियो । त्यस्तै, सुनसँगै आज चाँदीको मूल्यमा पनि गिरावट आएको छ । चाँदी आज ४५ रुपैयाँले घट्दै प्रतितोला २ हजार २५५ रुपैयाँ कायम भएको छ।
