काठमाडौँ। सुनको मूल्य फेरि उकालो लागेको छ । घरेलु बजारमा आज सुनको मूल्य तोलामा ३०० रुपैयाँले उकालो लागेको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ९९ हजार रुपैयाँमा कारोबार भइरहेको छ। अघिल्लो दिन सुनको मूल्य एकैसाथ १५ सय रुपैयाँले बढेर एक लाख ९८ हजार ७०० रुपैयाँमा कारोबार भएको थियो ।
यता, चाँदीको मूल्य भने तोलामा १५ रुपैयाँले घटेर प्रतितोला दुई हजार ३४५ रुपैयाँमा खरिदबिक्री भइरहेको महासंघले जनाएको छ ।
