थाइल्याण्डका लागि बिदाइ भए प्रधानमन्त्री ओली, उद्योगी, व्यवसायी को-को छन् ? सूचिसहित

काठमाडौँ। बिमस्टेकमा भाग लिनका लागि प्रधानमन्त्री केपी शर्मा ओली आज थाइल्याण्ड प्रस्थान गरेका छन् । प्रधानमन्त्री ओलीलाई त्रिभुवन अन्तर्राष्ट्रिय विमानस्थलमा बिदाइ गरिएको हो।

थाइल्याण्डका प्रधानमन्त्री फेथोङथान सिनावात (पैटोङ्टार्न शिनावात्रा) को मैत्रीपूर्ण निमन्त्रणामा नेपालका प्रधानमन्त्रीबाट इतिहासमै पहिलो पटक थाइल्याण्डको औपचारिक भ्रमण हुन लागेको हो । प्रधानमन्त्री ओली नेतृत्वको भ्रमण टोली थाइ एयरलाइन्सबाट बैंककतर्फ प्रस्थान गरेको हो ।

सचिवालयका अनुसार प्रधानमन्त्री ओलीको भ्रमण दलमा प्रथम महिला राधिका शाक्य, परराष्ट्रमन्त्री डा आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक–विकास सल्लाहकार डा युवराज खतिवडा, नेपाल सरकारका मुख्यसचिव एकनारायण अर्याल, परराष्ट्र मन्त्रालयका सचिव अमृतबहादुर राई, प्रधानमन्त्रीका निजी चिकित्सक डा दिव्यासिंह शाह, प्रधानमन्त्रीका प्रमुख स्वकीय सचिव राजेश बज्राचार्य, सुरक्षाकर्मी र सञ्चारकर्मीसहित २१ जना रहनेछन् ।

यस्तै, प्रतिनिधि मण्डलमा २७ जना निजी तथा गैर सरकारी संघ संस्थाका प्रतिनिधिहरू समेत सहभागी हुने भएका छन् । परराष्ट्र मन्त्रालयका अनुसार नेपाल उद्योग वाणिज्य महासंघ (एफएनसीसीआई), नेपाल च्याम्बर अफ कमर्स (एनसीसी), नेपाल उद्योग परिसंघ (सिएनआई) लगायत विभिन्न निजी तथा गैर सरकारी संघ संस्थाहरूबाट प्रतिनिधिहरूओलीसँग थाइल्यान्ड भम्रणमा गएका छन्

यस्तो छ भ्रमण दलमा रहने उद्योगी व्यावसायीको सूची

चन्द्रप्रसाद ढकाल : नेपाल उद्योग वाणिज्य महासंघ, अध्यक्ष