काठमाडौँ । साताको पहिलो कारोबार दिन आज नेपाली बजारमा सुनको मूल्य घटेको छ। नेपाल सुनचाँदी व्यवसायी महासंघका अनुसार आज सुन प्रतितोला ७०० रुपैयाँले ओरालो झरेको हो।
यससँगै छापावाल सुनको मूल्य प्रतितोला दुई लाख १५ हजार १०० रुपैयाँमा कारोबार भइरहेको छ। तेजाबी सुनको मूल्य प्रतितोला दुई लाख १४ हजार ५०० रुपैयाँ तोकिएको महासंघले जनाएको छ।
गत साताभर सुनको मूल्यमा निरन्तर उतार–चढाव देखिँदै आएको थियो। अन्तर्राष्ट्रिय बजारमा देखिएको अनिश्चितता, अमेरिकी डलरको मूल्यवृद्धि तथा कच्चा तेलको भाउजस्ता कारकहरूले नेपाली बजारमा समेत असर पारेको व्यवसायीहरूको भनाइ छ।
यता, चाँदीको मूल्य भने सामान्य रूपमा बढेको छ। आज चाँदी प्रतितोला पाँच रुपैयाँले बढेर दुई हजार ५७० रुपैयाँ पुगेको महासंघले जनाएको छ। सुन–चाँदी व्यवसायीका अनुसार राजनीतिक अनिश्चितता छ।
