काठमाडौँ । सर्वोच्च अदालतले ज्यान मार्ने उद्योग मुद्दामा दोषी ठहर गरेपछि पक्राउ परेका गण्डकी प्रदेशका सांसद राजीव गुरुङ (दीपक मनाङे) दुई वर्ष चार महिना कैद बस्नुपर्ने भएको छ।
मनाङेलाई पाँच वर्ष कैद सजाय भएकोमा सोही मुद्दामा यसअघि नै दुई वर्ष आठ महिना कैद बसिसकेकाले बाँकी दुई वर्ष चार महिना बस्नुपर्ने सर्वोच्चको फैसलामा भनिएको छ।
गत २० कात्तिकमा सर्वोच्च अदालतले मनाङेलाई पाँच वर्ष कैद सजाय हुने उच्च अदालतको फैसला सदर गरेको थियो। जून फैसलाको पूर्णपाठ शुक्रवार सार्वजनिक भएको हो ।
मनाङे हाल डिल्लीबजार कारागारमा छन्। २०६१ सालको बैशाख ३१ गते महाराजगन्जस्थित चुफाङ रेस्टुरेन्टमा मिलन गुरुङ (मिलन चक्रे) लाई खुँडाले आक्रमण गरेको घटनामा मनाङे दोषी ठहर भएका हुन्। सर्वोच्च अदालतका न्यायाधीशद्वय नहकुल सुवेदी र टेकप्रसाद ढुंगानाको इजलाशले यो मुद्दामा फैसला सुनाएको हो।
[pdf-embedder url="https://aarthikvoice.com/wp-content/uploads/2025/01/deepak-manage.pdf" title="deepak manage"]
