काठमाडौं। बलेफी हाइड्रोपावर लिमिटेडको शेयर खरिद गर्ने आज (फागुन १९ गते) अन्तिम दिन रहेको छ।
कम्पनीले फागुन ५ गतेदेखि अवितरित १७ लाख ९८ हजार ६५६ कित्ता बिक्रीमा राखेको थियो । कुल शेयरमध्ये संस्थापक समूहको ६ लाख ७६ हजार १९१ कित्ता, सर्वसाधारण समूहको लकइनमा रहेको ५ लाख ८ हजार ८९२ कित्ता र सर्वसाधारणकै तर लकइनमा नरहेको ६ लाख १३ हजार ५७३ कित्ता शेयर रहेको छ।
आउदो चैत २९ गते लकइन अवधि सकिने कम्पनीले जनाएको छ।शेयरको न्यूनतम मूल्य प्रतिकित्ता १०० रुपैयाँ तोकिएको छ।
शेयर किन्नका लागि आवेदन दिँदा घटीमा १०० कित्ता र बढीमा १० ले निःशेष भाग जाने गरी वा सम्पूर्ण कित्ता खरिदका लागि आवेदन दिन सकिने कम्पनीले जनाएको छ ।
