काठमाडौँ । गत शुक्रवार र शनिवारका दिन परेको अविरल वर्षापछि अहिले देशभर नै सामान्यतया मौसम सफा रहेको मौसम पूर्वानुमान महाशाखाले जनाएको छ। आज देशका पहाडी भू-भागका एक-दुई स्थानमा सामान्य वर्षा भए पनि अन्यत्र भने सफा नै रहेको महाशाले जनाएको छ ।
भोली अर्थात् बुधवार कोशी, बाग्मती, गण्डकी प्रदेशका थोरै ठाउँमा हल्कादेखि मध्यम वर्षा देखिएको महाशाखाले जनाएको छ। साथै बाँकी प्रदेशका एक-दुई स्थानमा मेघ गर्जन/चट्याङ्गसहित हल्का वर्षा हुने महाशाको बुलेटिनमा उल्लेख छ।
भोलि राती कोशी प्रदेशका केही स्थानहरू तथा मधेश, बागमती र गण्डकी प्रदेशका थोरै स्थानहरूमा मेघ गर्जन चट्याङ्ग सहित हल्का सामान्य वर्षा हुने र कोशी प्रदेशका एक-दुई स्थानमा भारी वर्षा हुने जनाइएको छ।
बिहीबार पनि सबै प्रदेशका केही ठाउँमा सामान्य वर्षा हुने र कोशी प्रदेशका एक दुई स्थानहरूमा भारी वर्षा हुने जनाइएको छ। सामान्यतया घटस्थापनासम्म सामान्यदेखि मध्यम वर्षाको सम्भावना रहेपनी त्यसपश्चात् मौसममा क्रमिक सुधार आउने मौसम पूर्वानुमान महाशाखाले जानकारी दिएको छ ।
