काठमाडौं । राप्रपाका वरिष्ठ उपाध्यक्ष रवीन्द्र मिश्रले आफूले पहिलोपटक पूर्वराजा ज्ञानेन्द्र शाहको हातबाट टिका ग्रहण गर्न लागेको बताएका छन् । उनले आफूले पूर्वराजा ज्ञानेन्द्र शाहसँग टिका लगाउनुको सात कारणसमेत सुनाएका छन् ।
हो, जाँदैछु, जीवनमा पहिलो पटक
पाँच कारण दिँदै राष्ट्रपतिको हातबाट टिका नलगाउन हिजो आग्रह गरेपछि, कतिपयले सोधे: राजासँग टिका लगाउन जाने हो त? उत्तर: हो, जाँदैछु – छोटकरीमा भन्दा, सात कारणले जाँदैछु।
बाँकि त मान्छेको जस्तै देशको पनि भाग्यरेखा हुने रहेछ। देशकै ग्रह ठिक छैन भने त कसको के लाग्छ र!
३। “राजनीतिक रूपमा असफल भइएला, राजनीतिक भविष्य संकटमा पर्ला, चुनाव नजितिएला” भनेर राजसंस्थाको आवश्यकता वोध गरेर पनि नबोल्ने बरिष्ठदेखि कनिष्ठ र पुरानादेखि नया नेताहरू यति भेटेको छु कि तपाईंले विश्वास पनि गर्न सक्नुहुन्न। त्यस्ता नेताबाट भावी पुस्ता र यो देशको भविष्य बन्छ भन्ने आशा राख्नुभएको छ भने त्यो पूर्णत: भ्रम हो।
६। #नवीनसमझदारी मा नजाने हो भने यो देशको भविष्य छैन। अब त खाडी, दूरपूर्व, पश्चिम योरोप, अमेरिका, अस्ट्रेलियामात्र होइन, मध्य एशियादेखि पूर्वी योरोपसम्मका देशहरूले पनि नेपाली कामदार लिन थालेका छन्। भविष्य नै नभएको देशमा कोही नबसे हुन्छ — देशभक्तिका नाममा सबैलाई आफू र आफ्नो परिवारको जीवन बर्बाद गर्न सल्लाह दिईँदैन। जसले जेसुकै भनुन्।
७। आफ्नो लागि होइन। राजाको लागि पनि होइन। यो गौरवमय इतिहास बोकेको देशको र देशका बहूसंख्यक युवाको भविष्यका लागि शान्ति, स्थिरता, धर्म, संस्कृति, सभ्यता तथा एकताका प्रतिक राजसंस्थाका प्रतिनिधि राजा ज्ञानेन्द्रको हातको टिका लगाउन भोली आश्था र विश्वासका साथ निर्मल निवास गइन्छ। कसैलाई केही भन्नु छ?
