काठमाडौं । साताको पहिलो कारोबार दिन सेयर बजारमा हरियाली छाएको छ । पछिल्लो केही समय यता लगानीकर्ताको आत्मबल बढेसँगै शेयर बजारमा बढोत्तरी भएको छ ।
असार १८ गतेका दिन सेयरबजारमा दुई पटकसम्म सर्किट ब्रेक लाग्न्ुको साथै १ घण्टासम्म कारोबार नै बन्द गरिएको थियो। आइतबार बजार ५२.९७ अंकले बढेर २२५७ को विन्दुमा कायम हुन पुगेको छ ।
आज रिडी हाइड्रोपावर, माण्डु हाइड्रोपावर, जानकी फाइनान्स र हिमाल दोलखा हाइड्रोपावरको सेयरमा सकरात्मक सर्किट लाएको छ ।
शेयर बजार बढेसँगै आज कारोबार भएका २०१ कम्पनीहरुको शेयरमूल्यमा हरियाली छाएको छ । आइतबार रिडी पावर कम्पनी र माण्डु हाइड्रोपावर कम्पनीको शेयरमूल्यमा सकारात्मक सर्किट लागेको छ ।
त्यस्तै, जानकी फाइनान्सको शेयरमूल्य ९.९५ प्रतिशत, हिमाल दोलखा हाइड्रोपावरको ९.९३ प्रतिशत, अरुणभ्याली हाइड्रोपावरको ९.३७ प्रतिशतले शेयरमूल्य बढेको छ ।
