काठमाडौं । सनराइज बैंकको सेयर नेप्सेमा सूचीकृत भएको छ । बैंकको २१ करोड ६७ लाख २ हजार ३७९ कित्ता सेयर नेप्सेमा सूचीकृत भएको हाे ।
बैंकको सेयर नेप्सेमा सूचीकृत भएपश्चात आज (सोमबार) बाट कारोबार सुचारु हुनेछ ।
तत्कालीन लक्ष्मी र सनराइज बैंक एक आपसमा मर्ज भएपश्चात यो सेयर लक्ष्मी सनराइज बैंकको नाममा सूचीकृत भएको हो ।
अब दुवै बैंकका सेयरधनीले लक्ष्मी सनराइज बैंकको नामबाट सेयर कारोबार गर्न सक्नेछन् ।
नेप्सेले बैंकको पहिलो कारोबारको लागि १७३ रुपैयाँ ५ पैसा सुरुवाती मूल्य तोकेको छ । तत्कालीन लक्ष्मी र सनराइज बैंक १:१ अनुपातमा मर्ज भएर असार २९ गतेबाट एकीकृत कारोबार सुरु भएको हो । यसलाई ‘एलएसएल’ संकेत प्रदान गरिएको छ ।
