ललिता निवासको करिब १ सय ३६ रोपनी जग्गा सरकारको नाममा आउने

काठमाडौँ । बालुवाटारस्थित ललिता निवासको जग्गा सरकारको नाममा आउने भएको छ । बिहीबार विशेष अदालतले गरेको फैसला अनुसार ललिता निवासको सबै जग्गा सरकारको नाममा आउने भएको हो ।

विशेष अदालतका न्यायाधीश खुसीप्रसाद थारु, रामबहादुर थापा र रितेन्द्र थापाको इजलासले ललिता निवास र त्यसले चर्चेको करिब १ सय ३६ रोपनी जग्गा सरकारका नाममा कायम हुने फैसला गरेको छ ।

अदालतको फैसलासँगै विभिन्न व्यक्तिका नाममा रहेको जग्गा जफत गरी फिर्ता ल्याउन सरकारलाई बाटो समेत खुलेको छ ।