काठमाडौँ । प्रधानमन्त्री केपी शर्मा ओलीले आफूले प्रधानमन्त्री पदबाट १४ महिनापछि राजीनामा दिने बताएका छन् ।
सरकारका परिवर्तनको हल्लाका बिच शुक्रवार संसद् भवन परिसरमा सञ्चारकर्मीको प्रश्नको जवाफ दिँदै प्रधानमन्त्री ओलीले यस्तो प्रतिक्रिया दिएका हुन्। ओलीले अब १४ महिनापछि आफूले राजीनामा दिने र नेपाली कांग्रेस सभापति शेरबहादुर देउवा प्रधानमन्त्री बन्ने जानकारी दिएका छन् ।
पत्रकारहरूले आगामी बजेटबारे गरेको प्रश्नमा भने प्रधानमन्त्री ओली आफू नेतृत्वकै सरकारले बजेट ल्याउने जानकारी दिएका छन् ।
