काठमाडौँ । नेपाली बजारमा सुनको भाउ आजसम्मकै उच्च कायम भएको छ । आइतबारको कारोबारमा सुनको मूल्य १ हजार ६ सय रुपैयाँले बढेसँगै नयाँ रेकर्ड कायम भएको हो ।
नेपाल सुनचाँदी व्यवसायी महासंघका अनुसार सुनको मूल्य आज प्रतितोला २ लाख १२ हजार रुपैयाँ पुगेको छ । यो मूल्य हालसम्मकै उच्च हो ।
यसअघि भदौ २० गते सुनको मूल्य हालसम्मकै उच्च कायम थियो । उक्त दिन सुनको मूल्य २ लाख १० हजार ४ सय कायम थियो ।
सुनसँगै चाँदीको भाउ समेत बढेको छ । चाँदी १० रुपैयाँले बढेर प्रतितोला २ हजार ५ सय पुगेको छ ।
