काठमाडौं । कीर्तिमानी कायम गरेको सुनको मूल्यले आज आफ्नै रेकर्ड तोडेको छ । नेपाली बजारमा आज सुनको मूल्य अहिलेसम्मकै उच्च भएको छ।
नेपाल सुनचाँदी व्यवसायी महासङ्घका अनुसार आज छापावाल सुन तोलाको ३ हजारले बढेर तोलाको २ लाख ३ हजार ६ सयमा कारोबार भइरहेको छ।
यसअघि शुक्रवार सुनको मूल्य तोलाको २ लाख ६ सयमा कारोबार भएको थियो।
यस्तै, आज चाँदीको मूल्य पनि बढेको छ। महासङ्घका अनुसार आज चाँदी तोलाको ६५ रुपैयाँले बढेर २,४२५ रुपैयाँमा कारोबार भइरहेको छ। यसअघि शुक्रवार चाँदी तोलाको २,३६० मा कारोबार भएको थियो।
