काठमाण्डौ । नेपाल धितोपत्र बोर्ड (सेबोन)को अध्यक्षका लागि सिफारिस समितिले तीनजनाको नाम सिफारिस गरेको छ ।
सिफारिस समितिका एक सदस्यका अनुसार आइतबार बिहान अन्तर्वार्ता र प्रस्तुतिकरण दिएका दुईजनासहित कुल ४ जनामध्येबाट ३ जनाको नाम सरकारलाई सिफारिस गरिएको हो ।
समितिले धितोपत्र बोर्डको अध्यक्षका लागि सन्तोषनारायण श्रेष्ठ, मुक्ति श्रेष्ठ र डा. नवराज अधिकारीको नाम सिफारिस गरेको हो।
https://aarthikvoice.com/archives/33316
आइतबार अन्तर्वार्ताका लागि गएका नेप्सेका प्रमुख कार्यकारी अधिकृत समेत रहेका कृष्णबहादुर कार्कीको नाम भने समितिले समावेश गरेन ।
https://aarthikvoice.com/archives/36252
सिफारिसमा परेका तीन नाममध्ये मुक्ति र सन्तोषनारायणले अघिल्लो सरकारको पालाकै सिफारिस समिति समक्ष प्रस्तुतीकरण र अन्तर्वार्ता दिइसकेका थिए । त्यसबेला अन्तर्वार्ता दिन नगएका कार्की र डा. अधिकारीले भने आइतबार दिएका थिए ।
https://aarthikvoice.com/archives/48807
