काठमाडौँ। संयुक्त राष्ट्रसंघको ७९औँ महासभामा सहभागी बनेर प्रधानमन्त्री केपी शर्मा ओली आज स्वदेश फर्कने भएका छन्।
प्रधानमन्त्री ओली आज अपराह्न ४ बजे स्वदेश आई पुग्ने भएका छन् । उनी महासभामा भाग लिन असोज ४ गते संयुक्त राज्य अमेरिकाको न्यूयोर्क प्रस्थान गरेका थिए ।
न्युयोर्क रहँदा प्रधानमन्त्री ओली महासभाको साधारण बहसको उद्घाटन सत्र र अमेरिकाका राष्ट्रपति जो बाइडेनले आयोजना गरेको स्वागत समारोहमा सहभागी भएका थिए ।
