काठमाडौं । अमेरिकाले आफ्नो देशमा अबैध रुपमा बसोवास गरिरहेका १४ लाख बढी आप्रवासीहरुलाइ घर फर्काउने भएको छ ।
अमेरिकी सरकारको नेतृत्वमा डोनाल्ड ट्रम्प आएपछि उनले अमेरिकामा अवैध रुपमा बसिरहेका विभिन्न देशका १४ लाख ४५ हजार ५४९ जना आप्रवासीहरुलाई घर फर्काउने तयारी गरेको बताइएको छ ।
अमेरिकाको अध्यागमन कार्यालयले सार्वजनिक गरेको सूची अनुसार १ हजार ३६५ जना नेपाली पनि अमेरिकाबाट निष्कासनमा पर्नेछन् ।
ट्रम्पले शपथ ग्रहण लगत्तै यस सम्बन्धी कार्यकारी आदेशमा हस्ताक्षर गरेका थिए ।
अमेरिकाबाट फर्काइन लागेकाहरुमध्ये सबैभन्दा धेरै होन्डुरस, ग्वाटेमाला, मेक्सिको र एल साल्भाडोरका नागरिकहरु रहेका छन् ।
होन्डुरसका २ लाख ६१ हजार ६५१, ग्वाटेमालाका २ लाख ५३ हजार ४१३, मेक्सिकोका २ लाख ५२ हजार ४४ र एल साल्भाडोरका २ लाख ३ हजार ८२२ जना छन् ।
चीनका ३७ हजार ९०८ र भारतका १७ हजार ९४० जना पनि अमेरिकाबाट निष्कासनमा पर्ने छन् ।
