काठमाडौं । रिलायवल नेपाल लाइफ इन्स्योरेन्स लिमिटेडको आइपीओमा १४ लाख ७७ हजार ८ सय ७७ जना सर्वसाधारणले आवेदन दिएका छन् । सिडिएस एण्ड क्लियरिङ्ग लिमिटेडका अनुसार आज साँझ ५ः०५ बजेसम्म ४ अर्ब ४९ करोड ३९ लाख ७३ हजार ९ सय ६० रुपैयाँ बराबरको १ करोड ७४ लाख ८६ हजार २ सय ८० कित्ताका लागि आवेदन दिएका हुन् ।
कम्पनीले साउन २३ गतेबाट सर्वसाधारणलाई प्रिमियममा आइपीओ निष्काशन गरेको थियो । कम्पनीले वैदेशिक रोजगारीमा रहेका नेपालीहरुका लागि निष्काशन गरेको आइपीओ बाँडफाँडपछि सर्वसाधारणका लागि आइपीओ निष्काशन गरेको हो।
कम्पनीले प्रतिशेयर १ सय रुपैयाँ अंकित मूल्यमा १५७ रुपैयाँ प्रिमियम थप गरी प्रतिशेयर कुल २५७ रुपैयाँमा शेयर निष्काशन गरेको हो।
