काठमाडौं । नेपालमा जिली EX5 र BAW सवारीसाधनहरूको आधिकारिक आयातकर्ता तथा वितरक एलआरआर मोटर्सले फिफा विश्वकप २०२६ को उत्साह र रोमाञ्चबाट प्रेरित ग्राहकमुखी अभियान ‘जिली महा फुटबल फेस्ट तथा सुपर एक्सचेन्ज क्याम्प’ को शुभारम्भ गरेको घोषणा गरेको छ।
आजदेखि सुरु भई असार ९ गतेसम्म सञ्चालन हुने यस विशेष प्रवर्द्धनात्मक अभियानअन्तर्गत जिली EX5 खरिद गर्ने ग्राहकहरूले पेनाल्टी सुटआउटमा गरेको प्रत्येक गोलबापत रु. १ लाख तत्काल नगद छुट प्राप्त गर्नेछन्। त्यसैगरी, BAW E7 Pro खरिद गर्ने ग्राहकहरूले प्रत्येक गोलबापत रु.
गैरीधारास्थित जिली शोरुममा सञ्चालन हुने यस अभियानले फुटबलको रोमाञ्चलाई जिली EX5 र BAW E7 Pro मा उपलब्ध विशेष बचतको अवसरसँग जोडेको छ।
ग्राहकलाई सवारी खरिद प्रक्रियामा थप सहभागी, रोचक तथा प्रतिफलमूलक अनुभव प्रदान गर्ने उद्देश्यले आयोजना गरिएको यस अभियानमा विशेष फुटबल मैदानको व्यवस्था गरिएको छ। विद्युतीय सवारी खरिद गर्न इच्छुक ग्राहकहरूले जिली तथा BAW का बिक्री प्रतिनिधिहरूमध्ये एक जनाले गोलकिपरको भूमिका निर्वाह गर्ने पेनाल्टी सुटआउटमा सहभागी भई गोल गर्न सक्नेछन्। ग्राहकले गरेको गोलको संख्याअनुसार नगद छुट प्राप्त हुनेछ।
आकर्षक नगद छुटका अतिरिक्त ग्राहकहरूले एक वर्षको अटो प्लस बीमा, एक वर्षको वार्षिक सवारी कर, तथा निःशुल्क २-इन-१ एडाप्टेबल चार्जर समेत प्राप्त गर्नेछन्। कार्यक्रमलाई थप विशेष बनाउन भेहिकल-टु-लोड (V2L) कफी अनुभव, प्रत्येक टेस्ट ड्राइभमा उपहार ह्याम्पर, तथा सहज भ्रमणका लागि पर्याप्त पार्किङ सुविधा समेत उपलब्ध गराइएको छ।
यसका साथै, ग्राहकहरूले सुपर एक्सचेन्ज क्याम्प अन्तर्गत आकर्षक एक्सचेन्ज लाभ, सवारी मूल्याङ्कन सेवा तथा विशेष अफरहरूको समेत लाभ लिन सक्नेछन्।
यस अवसरमा एलआरआर मोटर्सका सेल्स हेड श्री अधिर श्रेष्ठले भन्नुभयो “फुटबल एउटा यस्तो खेल हो जसले उत्साह, जोश र उपलब्धिमार्फत मानिसहरूलाई एकताबद्ध बनाउँछ। जिली महा फुटबल फेस्ट तथा सुपर एक्सचेन्ज क्याम्पमार्फत हामीले यही भावना सवारी खरिद यात्रामा पनि उतार्ने प्रयास गरेका हौं।”
उहाँका अनुसार, यस अभियानले ग्राहकहरूलाई रमाइलो गर्ने, आफ्नै क्षमता परीक्षण गर्ने तथा उल्लेखनीय बचत हासिल गर्ने अवसर प्रदान गर्नेछ।
“चाहे प्रिमियम जिली EX5 होस् वा व्यवहारिक BAW E7 Pro, प्रत्येक गोलले ग्राहकका लागि थप मूल्य र बचत सुनिश्चित गर्दछ,” उहाँले थप्नुभयो।
उन्नत प्रविधि, प्रिमियम आराम, बुद्धिमान सुरक्षा प्रणाली तथा उत्कृष्ट ड्राइभिङ रेन्जका कारण जिली EX5 ले नेपालका विद्युतीय एसयूभी बजारमा नयाँ मापदण्ड स्थापित गर्दै आएको छ। त्यसैगरी, निकट भविष्यमा नेपाली बजारमा सार्वजनिक हुन लागेको BAW E7 Pro व्यवहारिक, किफायती तथा वातावरणमैत्री यातायात समाधान खोजिरहेका ग्राहकहरूका लागि आकर्षक विकल्प बन्ने अपेक्षा गरिएको छ।
एलआरआर मोटर्सले सम्पूर्ण ग्राहक, फुटबलप्रेमी तथा विद्युतीय सवारी खरिदमा रुचि राख्ने व्यक्तिहरूलाई गैरीधारास्थित जिली शोरुममा उपस्थित भई कार्यक्रमको रोमाञ्च प्रत्यक्ष अनुभव गर्न, नवीनतम विद्युतीय सवारीहरूको टेस्ट ड्राइभ लिन तथा आकर्षक छुट जित्ने अवसरको लाभ उठाउन हार्दिक निमन्त्रणा गरेको छ।
उक्त कार्यक्रम आजदेखि जुन २३ सम्म सञ्चालन हुनेछ।
थप जानकारीका लागि ग्राहकहरूले नजिकको एलआरआर मोटर्स शोरुममा सम्पर्क गर्न वा कम्पनीका आधिकारिक माध्यमहरू प्रयोग गर्न सक्नेछन्।
