काठमाडौं । नेपालका लागि स्काईवेलका विद्युतीय सवारीको आधिकारिक बितरक जि मोटर्स प्रा.लि.ले स्काईवेल एक्सचेञ्ज अफर : अपग्रेड टू स्काईवेल-ड्राईभ लक्जरी ईभी एसयुभी सार्वजनिक गरेको छ ।
प्री बजेटको एक बिशेष अफरको रुपमा कम्पनीले बजेटबाट मूल्यवृद्धि हुनुअगावै लक्जरी, प्रीमियम ईभी र रियल एसयुभिमा अपग्रेड हुने चाहनेका लागि सुनौलो मौकाको रुपमा यो अफर ल्याएको हो ।
कम्पनीको नक्साल-काठमाडौं, राधेराधे-भक्तपुर, ईटहरी-सुनसरी, बिराटनगर, पोखरा र चितवनका सबै शोरुमबाट यो अफरमा सहभागी हुन सकिने जारी एक विज्ञप्तिमा उल्लेख छ ।
साथै उक्त अवसरमा हरेक स्काईवेल खरिद गर्ने प्रत्येकले चाहेको जोडीले युरोप टुरको अवसर प्राप्त गर्नुका साथै स्पेशल छुट र एक्सचेन्ज अफरमा बिशेष बोनस समेत प्राप्त गर्नेछन् ।
स्वपूँजी कम हुनेका लागि २० प्रतिशत डाउनपेमेन्ट दिएर फाईनान्सको सुविधा समेत रहेको जी। मोटर्सका प्रबन्ध निर्देशक कैलाशबाबु गेलालले जानकारी दिए। एक्सचेन्ज अफर २०८२ जेठ २ गतेदेखि सुरु भएर जेठ ५ गतेसम्म चल्ने बताइएको छ ।
हाल नेपालमा १४० वटा भन्दा बढी स्काईवेलका इटि-५, ६२० किमि प्रीमियम बिद्युतीय एसयुभि बिक्री वितरण भईसकेका छन् भने शुरु भएको एक्सचेञ्ज अफरअन्तर्गत ७ वटा बुकिङ पनि भइसकेको छ । ईटि-५, बिई-११ मोडेलमा हाल कम्पनीसँग ६२०, ५२० र ४१० किमी रेन्ज दिने प्रीमियम एसयुभि बिक्रीका लागि उपलब्ध छन् ।
नेपाली ग्राहकले यूरोपियन बजारमा अत्यधिक रुचाईएको स्काईवेलका प्रीमियम सवारीको गुणस्तर परफर्मेन्स र उच्च १५० किलोवाट पावरलाई नेपालका सबै किसिमका भू-भागमा सहजै यात्रा गर्नसक्ने कम्पनीको दाबी छ ।
स्काईवेल ६५ भन्दा बढी देशहरु जस्तै स् जर्मनि, युके, अस्ट्रेलिया, ल्याटिन अमेरिका, टर्कि, इजरायल, पोल्यान्ड बिक्री हुँदै नेपालमा पनि युरोपियन गुणस्तरका सवारी बिक्री गर्ने प्रीमियम सवारी उत्पादक कम्पनी हो।
